X3DE Jeug- en Kinderkampe hou interkerklike kampe en jeugweke met ’n sterk evangelistiese aanslag.

Eksderde Jeug streef daarna om soveel moontlik jongmense se lewens permanent te verander sodat hulle ’n verskil sal maak in hulle gesinne en gemeenskappe. Ons help die jeug deur lesings, sport en speletjies, om te fokus op die positiewe dinge in die lewe en om te heers oor hulle omstandighede sodat vandag se jeug hulle volle potensiaal kan uitleef.

Vandag se jeug ondervind ’n groot aanslag vanuit die wêreld, maar daar is NIKS wat te groot is vir God nie. Daarom moet tieners weet dat hulle tot ALLES in staat is deur Christus Jesus wat hulle die krag gee.

X3DE bestaan uit ’n dinamiese span

Ons werk saam en komplimenteer mekaar. Elkeen bring sy/haar unieke gawes, talente en vaardighede na die kampe om daarvan ’n sukses te maak. Daar is verskeie spanne; ’n Fasiliteergroep werk direk met die kampers in kleingroepies en in een-tot-een gesprekke. ’n Terreinleierspan sorg dat die kamp georganiseerd glad verloop met die opstel van die saal en sportaktiwiteite, deur te help dat kampers op die regte plek kom en die toepassing van die kampreëls.

Die Legacy Team is opkomende leiers wat opgelei word vir groter verantwoordelikhede.

Die Core Team is direk betrokke met die organisering en bestuur van die kampe.

Ons Missie is om jongmense aan die Verlosser Jesus Christus voor te stel, te lei tot bekering en om verder ’n impak in hul lewens te maak wat lei tot praktiewe en positiewe besluite oor hulle toekoms

Ons wil X3DE Jeug- en Kinderkampe uitbrei na meer en groter kampe deur die gemeenskap bewus te maak van die geleentheid wat die kampe jongmense bied en hulle aan te moedig om betrokke te raak.

Eksderde Manne- en Vrouekampe is deur Jan Bronkhorst gestig en sy seun André bronkhorst het in 2006 begin met Jeugkampe.